Aavo Aavo Sawariya Bega Aao Jimo Ji Bhog Lagao
आओ आओ सावरिया बेगा आओ जिमो जी भोग लगाओ
।। मिठो ह नमकीन ह बाबा, चरपरो थोड़ो खाटो,
सोने की थाली में परोसो, ढाल चांदी को पाटो,
हो टाबरिया मनुहार करे बाबा, देखु थे कैया नाटो,
भोग लगाओ रे श्याम धनी रे, और बाकी भगता ने बांटो,।
आओ आओ, सावरिया बेगा आओ, जिमो जी , भोग लगाओ,
है छप्पन भोग, तैयार जी, थारा टाबरिया करे रे, मुँनुहार जी, -2
केसरिया बरफी, कलाकंद रबड़ी, पेडा इमरती, बालूसाही,
लाडु बूँदिया, जलेबी रसगुल्ला, गाजर पाक, रसमलाई,-2
गुलाब जामुन सकरपारा -2, घेवर न्यारा न्यारा,
जिम आव, जिको थे और घलाओ,जीमो जी, भोग लगाओ,
है छप्पन भोग तैयार जी, ….थारा टाबरिया करे रे मनुहार जी -2
दाल मोठ, पकोड़ी कचोरी, भुजिया, पापड़ चिवडो,
कढ़ी राबड़ी ,साग सांगरी को ,बाजरे का बाबा, खिचडो, -2
रायत में, जीरा को तडको..2, पीओ मार सबड़को,
साग काचरे की चटनी चटाओ, जिमो जी ,भोग लगाओ,
है छप्पन भोग तैयार जी,….थारा टाबरिया करे रे मनुहार जी -2
आम अमरूद , अंगूर अनाना , आलू बुखारा , अनार धरा,
केला सेब, पपीता चिकू ,संतरा मौसम्बी, रासधार धरा, -2
काकड़ीया र लाल मतीरा -2, और धर टमाटर खीरा ,
नींबू खाटो, थे थोड़ो छिड़काओ , जिमो जी , भोग लगाओ,
है छप्पन भोग , तैयार जी,……थारा टाबरिया करे रे मनुहार जी,
काजू किसमिस , नोजा खुरमानी, खोपरा छुवारा , बादाम लेवो,
जीम जुट, और आचमन करके , फिर थोड़ो , आराम लेवो, -2
सौंफ इलायची, हाजिर कर दी,..2, सागे मिसरी धर दी,
कोई नागरियो पान चबाओ, जिमो जी भोग लगाओ,
है छप्पन भोग तैयार जी,……थारा टाबरिया करे मनुहार जी,-2
छप्पन भोग ,परोसा थारे भागता, श्याम घनी, स्वीकार करो,
सरल बावलो ,महिमा गावे ,अन्न धन्न रो,भंडार भरो, -2
लिला थारी, सब जाग जाणी ..2, थे हो शीश का दानी,
बिगड़ी भगता की, थे ही तो बनाओ, जिमो जी भोग लगाओ,
है छप्पन भोग तैयार जी, ….थारा टाबरिया करे रे मनुहार जी, -2
।। श्री श्याम आशीर्वाद ।।
।। श्याम श्याम तो मैं रटू , श्याम यही जीवन प्राण ।।
।। श्याम भक्त जग में बड़े उनको करू प्रणाम ।।
श्रीश्याम आशीर्वाद पोर्टल पर सभी मंदिर , भजन , भक्तो का जीवन परिचय, भक्तो के साक्षात्कार, प्रभु सुमिरन , ग्रन्थ व् अन्य कंटेंट को किसी न किसी ऑथेंटिकेटेड जानकारी व् व्यक्ति विशेष से लिया गया है या हमारे द्वारा पोर्टल पर विभिन्न माध्यम से प्राप्त किया गया है। कंटेंट पब्लिश करने में पूर्णतया सावधानी रखी गई है। श्री श्याम आशीर्वाद आपके द्वारा किसी भी पोस्ट में दिए गए सुझाव , बदलाव व् नए प्रस्ताव का सहृदय हार्दिक स्वागत करता है।