Mahane Khatu Me Bulale Baba Shyam Fagun Sudi Gyaras Ne
म्हानै खाटू मं बुलाले बाबा श्याम फागण सुदी ग्यारस नै
तर्ज – बैठ्यो खाटू मं लगाकै दरबार
म्हानै खाटू मं बुलाले बाबा श्याम,
फागण सुदी ग्यारस नै ।।
कई दिनां सैं अँखिया तरसै, दर्शन दयो गोपाल,
छानो नहीं धणी सैं म्हारो, हिवड़ै मांलो हाल,
सारी दुनिया मांही दाता थारो नाम,
फागण सुदी ग्यारस नै ।।
म्हानै खाटू मं बुलाले बाबा श्याम….
मन्नै भरोसो श्यामबिहारी, मन कै मांही भोत,
लाम्बी-लाम्बी धोक लगावां, और जगावां ज्योत,
म्हारो अरज करण को ही काम,
फागण सुदी ग्यारस नै ।।
म्हानै खाटू मं बुलाले बाबा श्याम….
सुणल्यो करुण पुकार कन्हैया, थे हो कृपानिधान,
फरियादी थारै द्वार खड्यो है, दीज्यो दाता ध्यान,
म्हारै हिवड़ै का हो थे ही आराम,
फागण सुदी ग्यारस नै ।।
म्हानै खाटू मं बुलाले बाबा श्याम….
श्यामबहादुर देव बडेरा, थे म्हारा जजमान,
लियो सहारो थारो बाबा, ‘शिव’ की पीड़ा जाण,
थारै दर को हूँ मैं श्याम गुलाम,
फागण सुदी ग्यारस नै ।।
म्हानै खाटू मं बुलाले बाबा श्याम….
श्रद्धेय स्व. शिवचरण जी भीमराजका ‘शिव’ द्वारा सुप्रसिद्ध भजन ‘बैठ्यो खाटू मं लगाकै दरबार, श्यामधणी राज करै’ की तर्ज़ पर रचित अनमोल रचना ।
।। श्री श्याम आशीर्वाद ।।
।। श्याम श्याम तो मैं रटू , श्याम ही जीवन प्राण ।।
।। श्याम भक्त जग में बड़े उनको करू प्रणाम ।।
श्रीश्याम आशीर्वाद पोर्टल पर सभी मंदिर , भजन , भक्तो का जीवन परिचय, भक्तो के साक्षात्कार, प्रभु सुमिरन , ग्रन्थ व् अन्य कंटेंट को किसी न किसी ऑथेंटिकेटेड जानकारी व् व्यक्ति विशेष से लिया गया है या हमारे द्वारा पोर्टल पर विभिन्न माध्यम से प्राप्त किया गया है। कंटेंट पब्लिश करने में पूर्णतया सावधानी रखी गई है। श्री श्याम आशीर्वाद आपके द्वारा किसी भी पोस्ट में दिए गए सुझाव , बदलाव व् नए प्रस्ताव का सहृदय हार्दिक स्वागत करता है।