Gyaaras Chanan Ki Aai Bhgta Mil Jot Jagai
ग्यारस चानण की आई भगता मिल जोत जगाई
तर्ज – स्वरचित राजस्थानी
ग्यारस चानण की आई , भगता मिल जोत जगाई
झांझ मजीरा बाजे आंगणे , ओ बाबा झांझ मजीरा बाजे आंगणे
मन में हरीयाली छाई , भगता मिल जोत जगाई
झांझ मजीरा बाजे आंगणे , ओ बाबा झांझ मजीरा बाजे आंगणे
चम चम चमकातो रे बागो , काना में कुंडल हो , काना में कुंडल हो
हिवड़ो हुलसायो म्हारो , भला पधारा हो , भला पधारा हो …..-2
हीरो भलके माथे में , अंतर गमके बागे में
फुलड़ा बरसे छे म्हारे आंगणे , ओ बाबा , फुलड़ा बरसे छे म्हारे आंगणे…..-2
ग्यारस चानण की आई , भगता मिल जोत जगाई….
गंगा जल झारी सु थारा , चरण पखारा ओ , चरण पखारा ओ
ऊंचे सिहासन बैठो , आरती उतारा ओ , आरती उतारा ओ ……-2
भजन सुनावा थाने , गाकर रिझावा थाने
अमृत बरसे छे म्हारे आंगणे , ओ बाबा , अमृत बरसे छे म्हारे आंगणे….-2
ग्यारस चानण की आई , भगता मिल जोत जगाई…..
जो थाने भावे बाबा , भोग लगावा ओ , भोग लगावा ओ
रुच रुच जीमो प्रभु जी , पर्दो लगावा ओ , पर्दो लगावा ओ …..-2
थारो मुलाकातों मुखड़ों , चंदा सु लागे उजलो
कीर्तन में देखा थाने आंगणे , ओ बाबा , कीर्तन में देखा थाने आंगणे ….-2
ग्यारस चानण की आई , भगता मिल जोत जगाई…..
बिड़लो दबाओ मुख में , अंतर काना में ओ , अंतर काना में ओ
थारे लीले के पांवा , बिछिया बाजनिया ओ , बिछिया बाजनिया ओ….-2
करसा पहरावण थारी , आशा पुरेली म्हारी
चरण दबासा म्हारे आंगणे , ओ बाबा , चरण दबासा म्हारे आंगणे ….-2
ग्यारस चानण की आई , भगता मिल जोत जगाई….
लगन निभाजो प्रभुजी , प्रेम बढाजो ओ , प्रेम बढाजो ओ
या म्हारी मिनखा जुणी सफल बनाज्यो ओ , सफल बनाज्यो ओ ….-2
मोती चरणा रो चाकर , नंदू रिझावै गाकर
भल भल पधारा म्हारे आंगणे , ओ बाबा , भल भल पधारा म्हारे आंगणे ….-2
ग्यारस चानण की आई , भगता मिल जोत जगाई……
।। श्री श्याम आशीर्वाद ।।
।। श्याम श्याम तो मैं रटू , श्याम यही जीवन प्राण ।।
।। श्याम भक्त जग में बड़े उनको करू प्रणाम ।।
श्रीश्याम आशीर्वाद पोर्टल पर सभी मंदिर , भजन , भक्तो का जीवन परिचय, भक्तो के साक्षात्कार, प्रभु सुमिरन , ग्रन्थ व् अन्य कंटेंट को किसी न किसी ऑथेंटिकेटेड जानकारी व् व्यक्ति विशेष से लिया गया है या हमारे द्वारा पोर्टल पर विभिन्न माध्यम से प्राप्त किया गया है। कंटेंट पब्लिश करने में पूर्णतया सावधानी रखी गई है। श्री श्याम आशीर्वाद आपके द्वारा किसी भी पोस्ट में दिए गए सुझाव , बदलाव व् नए प्रस्ताव का सहृदय हार्दिक स्वागत करता है।