Jad Babo Pakdi Aangli Moj Ho Gai Holi Diwali Mahare Roj Ho Gai
जद बाबो पकड़ी आँगली म्हारी मौज हो गई होली दिवाली म्हारी रोज हो गयी
तर्ज – मार दिया जाय
|| ऐं के होंता सेती म्हाने क्या कों टोटो हैं
म्हारो सेठ जगत म घणो मोटो है ||
म्हाने दर प बुलावे
इतनो माल लुटावे
म्हारो पल्लो भी पड़ ग्यो छोटो है,
मोज हो गई-म्हारी रोज हो गई,
जद बाबो पकड़ी आँगली,म्हारी मौज हो गई !!
होली दिवाली म्हारी रोज हो गयी
मोज हो गई-म्हारी रोज हो गई
जद बाबो पकड़ी आँगली, म्हारी मौज हो गई !!
म्हारी गाडी को साँवरो है हांकणियो,
म्हारे सुख दुःख को बाबो है वाचणीयो,
म्हारो मालिक है ये ,प्रतिपालक है ये ,
म्हारो मान जगत म राखणीयो,
मोज हो गई – म्हारी रोज हो गई
जद बाबो पकड़ी आँगली, म्हारी मौज हो गई ,
होली दिवाली म्हारी रोज हो गयी !!
म्हारा सोचता ही पुरो हो जाव है,
म्हारा सारा काम बाबा बनवे है,
बिगडया काम बणावे,म्हाने हर पल हँसावे
म्हारे अंग संग बाबो चाले है,
मोज हो गई – म्हारी रोज हो गई
जद बाबो पकड़ी आँगली, म्हारी मौज हो गई ,
होली दिवाली म्हारी रोज हो गयी
म्हारे मनडे री बातां यो ही जाणे है
सबका हाल चाल सांवरो पिछाणे है
संकट काटे है यो , नही नाटे है यो
सबकी बिगड़ी न यो ही सुधारणीयो
मोज हो गई – म्हारी रोज हो गई
जद बाबो पकड़ी आँगली, म्हारी मौज हो गई ,
होली दिवाली म्हारी रोज हो गयी
महारो परिवार बाबो (सँवारो) चलावे है,
रिसतो नातो भी बाबा निभावे है,
इतनो प्यार लुटावे,सिर पे हाथ फिरावे
रोमी दुनिया से नहीं घबरावा है ,
मोज हो गई – म्हारी रोज हो गई
जद बाबो पकड़ी आँगली, म्हारी मौज हो गई ,
होली दिवाली म्हारी रोज हो गयी !!