Jhilmil Jhilmil Chunri Me Taara Chamke Aaja Re Bhawani Thaara Sewak Tarse
झिलमिल झिलमिल चूनड़ी मं तारा चमकै आज्या ऐ भवानी थारा सेवक तरसै
तर्ज – रिमझिम रिमझिम आँख्यां सैं आँसूड़ा बरसै
झिलमिल-झिलमिल चूनड़ी मं तारा चमकै,
आज्या ऐ भवानी, थारा सेवक तरसै ।।
लाल सुरंगी मेहंदी थारै, हथल्या राच्या लाल,
धाम है तेरो झुंझुनू मैया, मंदिर बण्यो विशाल,
सिंह पर बैठ्या दादीजी नै, सेवक निरखै ।
आज्या ऐ भवानी ………
हाथां सोह्वै लाल चूड़ो माँ, गळ बिच नौसर हार,
लाल कंसूमल कब्जो सोह्वै, लम्पी की बहार,
कानां मांही झूमका माँ, मोती चमकै ।।
आज्या ऐ भवानी ………
माथै सोह्वै बोरलो, नैणां काजळियै री रेख,
पलकां तो उघाड़ो मैया, टाबरियां नै देख,
कद सैं खड्या पुकारै थारा, सेवक बिलखै ।।
आज्या ऐ भवानी ………
लाल ध्वजा फहरै मंदिर पर, नौबत बाजै द्वार,
रतन सिंघासन बैठी मैया, तीन लोक सरकार,
भक्त करें गुणगान गगन सैं, अमृत बरसै ।।
आज्या ऐ भवानी ………