Thane Nit Naya Bhajan Sunawa Thane Rojine Samjhawa
थानै नित नया भजन सुणावां थानै रोजीना समझावां
तर्ज – थानै काजलियो बणाल्यू
थानै नित नया भजन सुणावां,
थानै रोजीना समझावां,
श्याम म्हारै सैं दूर कैंया जावो छो ।।
म्हारी रातां री नींद उड़ जावै छै,
जद याद थारी आ जावै छै,
म्हारी आँख्यां मं आँसू जाणै कैंया आवै छै,
म्हानै कोई तो समझावो, म्हानै साँची बात बताओ,
श्याम म्हारै सैं दूर कैंया जाओ छो ।।
थारो समदरशी नाम बतावै छै,
पाछै महारो ही जीव क्यूँ दुखावै छै,
थानै भीलणी रा जूठ्या बेर कैंया भावै छै,
कैंया तारयो सदन कसाई,
कैंया बण गयो नन्दो नाई,
श्याम म्हारै सैं दूर कैंया जाओ छो ।।
थे तो दुखियां रा दुखड़ा मिटाओ छो,
दिन मं लाखां री बिगड़ी बणाओ छो,
म्हानै सौ गज दिखाकर दो गज कैंया नापो छो,
थे म्हानै बेचो तो बिक जावां,
थे म्हानै राखो ज्यूं रह जावां,
श्याम म्हारै सैं दूर कैंया जाओ छो ।।
थारा ‘सोहनलाल’ गुण गावै छै,
थारै चरणां मं शीश नवावै छै,
म्हारै मन की ही मन मं मोहन कैंया रह जावै छै,
म्हारो बेड़ो पार लगाओ, म्हानै सैणा मं समझाओ,
श्याम म्हारै सैं दूर कैंया जाओ छो ।।
स्व. सोहनलाल जी लोहाकार द्वारा राजस्थानी गीत ‘थानै काजलियो बणाल्यू, थानै नैणा मं बसाल्यू’ की तर्ज़ पर रचित अति प्राचीन रचना
।। श्री श्याम आशीर्वाद ।।
।। श्याम श्याम तो मैं रटू , श्याम ही जीवन प्राण ।।
।। श्याम भक्त जग में बड़े उनको करू प्रणाम ।।
श्रीश्याम आशीर्वाद पोर्टल पर सभी मंदिर , भजन , भक्तो का जीवन परिचय, भक्तो के साक्षात्कार, प्रभु सुमिरन , ग्रन्थ व् अन्य कंटेंट को किसी न किसी ऑथेंटिकेटेड जानकारी व् व्यक्ति विशेष से लिया गया है या हमारे द्वारा पोर्टल पर विभिन्न माध्यम से प्राप्त किया गया है। कंटेंट पब्लिश करने में पूर्णतया सावधानी रखी गई है। श्री श्याम आशीर्वाद आपके द्वारा किसी भी पोस्ट में दिए गए सुझाव , बदलाव व् नए प्रस्ताव का सहृदय हार्दिक स्वागत करता है।