Main Ke Bolu Shyam Dhani Tane Sab Bata Ka Bera Se Pichle Saal Ghane Tare Pan Ibke Number Mera Se
मै के बोलू श्याम धणी तन्न सब बाता का बेरा स पिछले साल घणे तारे पण इबक नम्बर मेरा स
तर्ज – हरियाणवी / मेरे पीछै पीछै आवण का
मैं के बोलूँ श्यामधणी,
तन्नै सब बातां का बेरा सै,
पिछले साल घणे त्यारै,
पण इबकै नम्बर मेरा सै ।।
तूं चावै तो फुट्योड़ी,
तकदीर संवर ज्या पल भर मं,
तूं चावै तो हाथां की,
ये लकीर बदळ ज्या पल भर मं,
तूं चावै तो होवै उजाळा,
ना तो घोर अंधेरा सै ।।
पिछले साल घणे त्यारै ……
मेरै अगड़-पडौसी सारे,
तनै उनका काम बणाया सै,
किसी ने गाड ली कोठी,
किसी ने महल सजाया सै,
तनै यो के हाल बणाया सै,
मेरा दो कमरां मं डेरा सै ।।
पिछले साल घणे त्यारै ……
तूं दोन्या हाथ लुटावै,
तेरे घणे खजाने भरे पड़े,
हम रोटी पूरी करती,
और कमा-कमा कर मरे पड़े,
छप्पन करोड़ का बम्पर खुलज्या,
इतना माल भतेरा सै ।।
पिछले साल घणे त्यारै ……
मेरा सपना पूरा होगा,
ना इब तक छोड़ी आस मन्नै,
तूं सुणैगा बिनती मेरी,
न्यू पक्का सै विश्वास मन्नै,
देर सही अंधेर नहीं,
‘नरसी’ नै इतणा बैरा सै ।।
पिछले साल घणे त्यारै ……
श्री नरेश शर्मा ‘नरसी’ द्वारा हरियाणवी तर्ज़ ‘मेरे पीछै-पीछै आवण का’ पर रचित भजन ।
।। श्री श्याम आशीर्वाद ।।
।। श्याम श्याम तो मैं रटू , श्याम ही जीवन प्राण ।।
।। श्याम भक्त जग में बड़े उनको करू प्रणाम ।।
श्रीश्याम आशीर्वाद पोर्टल पर सभी मंदिर , भजन , भक्तो का जीवन परिचय, भक्तो के साक्षात्कार, प्रभु सुमिरन , ग्रन्थ व् अन्य कंटेंट को किसी न किसी ऑथेंटिकेटेड जानकारी व् व्यक्ति विशेष से लिया गया है या हमारे द्वारा पोर्टल पर विभिन्न माध्यम से प्राप्त किया गया है। कंटेंट पब्लिश करने में पूर्णतया सावधानी रखी गई है। श्री श्याम आशीर्वाद आपके द्वारा किसी भी पोस्ट में दिए गए सुझाव , बदलाव व् नए प्रस्ताव का सहृदय हार्दिक स्वागत करता है।